حوزہ نیوز ایجنسی کی رپورٹ کے مطابق، پاکستان میں ایک بار پھر خودکش حملے کی خبر منظر عام پر آئی ہے، یہ واقعہ پاکستان کے قبائلی ضلع شمالی وزیرستان میں پیش آیا، جہاں خودکش بمبار بم سے لیس تھری وہیلر چلا رہا تھا۔ حملہ آور نے سیکورٹی فورسز کی گاڑی کو ٹکر مار دی۔ گاڑی میں موجود سکیورٹی اہلکار پٹرولیم کمپنی کے ملازمین کی حفاظت کر رہے تھے۔
ایک سینئر پولیس اہلکار نے بتایا کہ خودکش حملہ آور تھری وہیلر چلا رہا تھا۔ حملہ آور نے افغان سرحد سے متصل قبائلی ضلع شمالی وزیرستان کے کھجوری چوک پر ایم پی سی ایل پیٹرولیم کمپنی کی حفاظت پر مامور سیکیورٹی فورسز کی گاڑی سے اپنا تین پہیہ گاڑی ٹکرادی۔
حملے میں چار فوجی جاں بحق اور کمپنی کے 15 ملازمین سمیت 22 افراد زخمی ہوئے۔ کمپنی کے ملازمین ڈیوٹی کے بعد سخت سیکیورٹی میں اپنی آرام گاہ کی طرف لوٹ رہے تھے۔ اسی وقت حملہ آور نے سکیورٹی اہلکاروں کے ساتھ موجود سکیورٹی فورسز کی گاڑی کو ٹکر مار دی۔ بتا دیں کہ MPCL کمپنی علاقے میں تیل کی تلاش کرتی ہے۔
واضح رہے کہ گزشتہ دنوں پاکستان کے شہر پشاور میں ایک مسجد پر خودکش حملہ ہوا تھا۔ اس دھماکے میں 100 سے زیادہ لوگ مارے گئے۔ دھماکہ اتنا زوردار تھا کہ اس کی وجہ سے مسجد کا ایک حصہ مکمل طور پر گر گیا۔ دھماکا پولیس لائنز پشاور کے قریب واقع مسجد میں نماز ظہر کے بعد ہوا۔ واقعے کی ایک ویڈیو بھی منظر عام پر آئی، جس میں دھماکے کے بعد افراتفری کا ماحول دکھائی دے رہا ہے۔
